SöySəl Evi--- خانه شعر تركي

گوزل شاعير كيمدئ؟

چهارشنبه 10 خرداد 1391
+0 به یه ن
Gözəl,şerə deyən kimdir?
Sən gəl bircə şeri dindir
Dinlə bir gör nələr deyir
Ürəgini nədən yeyir!
Görgəc səndə bir gənc şair
Tutqun bətlə deyəcəksən:
Şair,nə tez qocaldın sən!

Hançı gülü!,hançı gəlin!

Ölmədədir tezli gəlin
Başı altda bircə bərk-daş
Qabağında,güzgü,göz yaş
Görcək özün təkcə,şair
Deyər:şair!bu sənsən,mən!?
Şair,nə tez qocaldın sən!

Bu dağlarda ov havası

Nə incitdi al-yarası!
Axsar-axsar dedi dağlar!
Bu yara son köksü dağlar
Ona dəycək mən incidim
Dinməz,güldü dedi o tən:
Şair,nə tez qocaldın sən!

Düşmən bilməm nərdə qaldı

Bəni dostum dərdə saldı
Son-baxışda düşmən,dostum
Birbirinə dedi sis,tum
Onlar dinməz mən anladım
Parlaq-gözdən,yağış,qar,çən
Şair,nə tez qocaldın sən!

Bel büküldü,saç töküldü

Başdan-ətək yağan küldü
Həm sevgilin,həmi vətən
Dinlədibdir səni çox,ən
Şair səni mən dinlirəm
Deyir:sənə əli yetən
Şair,nə tez qocaldın sən!

Ancaq sevgi,ancaq vətən

Biri canım,birisi tən
Dinlənməyən,mənəm nə sən
Gənc-çağında əli əsən
Küsən olsa,qoy mən küsüm
Eldən,sevgi,səndən,Vətən
Şair,nə tez qocaldın sən!

Geçməm şair!,geçməm Eldən

Saçım edən,Eldir dən-dən
Sənsən VURĞUN,Mənəm AŞIQ
Kimsə bizə dir yaraşıq?
Yenə düşcək,göz güzgüyə
Deyir:güzgü bənə hərdən
Şair,nə tez qocaldın sən!

AŞIQ PƏKƏR
2011

گؤزل،شئره دئين كيمدير؟
سن گل بيرجه شئري ديندير
دينله بير گؤر نه‌لر دئيير
اۆرگيني نه‌دن يئيير!
گؤرگج سنده بير گنج شاعر
تۇتقون بتله دئيه‌جكسن:
شاعر،نه تئز قوْجالدين سن!

هانچي گۆلو!،هانچي گلين!
اؤلمه‌ده‌دير تئزلي گلين
باشي آلتدا بيرجه برك-داش
قاباغيندا،گۆزگو،گؤز ياش
گؤرجك اؤزون تكجه،شاعر
دئير:شاعر!بۇ سنسن،من!؟
شاعر،نه تئز قوْجالدين سن!

بۇ داغلاردا اوْو هاواسي
نه اينجيتدي آل-ياراسي!
آخسار-آخسار دئدي داغلار!
بۇ يارا سوْن كؤكسو داغلار
اوْنا ديَجك من اينجيديم
دينمز،گۆلدو دئدي اوْ تن:
شاعر،نه تئز قوْجالدين سن!

دۆشمن بيلمم نرده قالدي
بني دوْستوم درده سالدي
سوْن-باخيشدا دۆشمن،دوْستوم
بيربيرينه دئدي سيس،تۇم
اوْنلار دينمز من آنلاديم
پارلاق-گؤزدن،ياغيش،قار،چن
شاعر،نه تئز قوْجالدين سن!

بئل بۆكولدو،ساچ تؤكولدو
باشدان-اتك ياغان كۆلدو
هم سئوگيلين،همي وطن
دينله‌ديبدير سني چوْخ،ان
شاعر سني من دينليرم
دئيير:سنه الي يئتن
شاعر،نه تئز قوْجالدين سن!

آنجاق سئوگي،آنجاق وطن
بيري جانيم،بيريسي تن
دينلنمه‌ين،منم نه سن
گنج-چاغيندا الي اسن
كۆسن اوْلسا،قوْي من كۆسوم
ائلدن،سئوگي،سندن،وطن
شاعر،نه تئز قوْجالدين سن!

گئچمم شاعر!،گئچمم ائلدن
ساچيم ائدن،ائلدير دن-دن
سنسن وۇرغون،منم آشيق
كيمسه بيزه دير ياراشيق؟
يئنه دۆشجك،گؤز گۆزگويه
دئيير:گۆزگو بنه هردن
شاعر،نه تئز قوْجالدين سن!

آشيق پكر
2011



بؤلوم : آشئق پكر(طاهر صاحبي م ت)AZ-TR
یازار : ائشيلداق


بلاگا گؤره



    شعر توركي- خانه شعر توركي-شاعران و اديبان تورك-بيوگرافي شاعران تورك-زندگي نامه شاعران تورك-سويسل-
    شعر تركي-خانه شعر تركي-شاعران و اديبان ترك-بيوگرافي شاعران ترك-زندگي نامه شاعران ترك-

بؤلوم لر

سون یازیلار

باغلانتی لار

یولداش لار

آرشیو

ایمکان لار

سایغاج