اؤلسم سنين قاپيندا قازارلار مزاريمي
چهارشنبه 10 خرداد 1391
+0 به یه ن
ölsm sənin qapında qazarlar məzarımı
ey sübh açıl dübarə görüm nazlı yarımı
həz eylirm görəndə mən ol ba vıqarımı
bilməm ki qara gözləri nin var nə hikməti
əldən alır təvanımı , səbr o qərarımı
düzdüm se layə təxtəyə rəng o qələmləri
tərsim edm ürək də ki nəqş və nigarımı
əvvəl qara gözün gətirm tablu ostünə
zülfün çəkəndə yada salam ruzgarımı
ahu baxışlı gözlərinin haltın çəkəm
bir yol tökəm büm üstünə dar o nədarımı
tərrah lığında hər nə gücüm var nişan verəm
məbhüt edəm işimdə mən öz osta karımı
manı dürüb əlimdən öpüb afərın diyə
surət çəkənlər eylə yə təhsin çıxarımı
könlüm sevir ki mənbəi ilhamım olan mənə
səndən tıvan alıb yaradam şahkarımı
gər ölkəmizdə bilsələ mən aşiqm sənə
ölsəm , sənin qapında qazarlar məzarımı
cənnətdə xalıqım desə bu hürilər bu sən
görsəm quyublar öz əlimə ixtiyarımı
alsa xəbr gül ozlulərın hansın ıstısən
ağlar gözilə mən diyəcəm öz nigarımı
اؤلسم سنين قاپيندا قازارلار مزاريمي
اي صوبح آچيل دوباره گؤروم نازلي ياريمي
حظ ائيليرم گؤرنده من اول با ويقاريمي
بيلمم كي قارا گؤزلري نين وار نه حيكمتي
الدن آلير توانيمي ، صبر و قراريمي
دوزدوم سه لايه تخته يه رنگ و قلملري
ترسيم ائدم اورك ده كي نقش و نيگاريمي
اوّل قارا گؤزون گتيرم تابلو اوستونه
زولفون چكنده يادا سالام روزگاريمي
آهو باخيشلي گؤزلرينين حالتين چكم
بير يول تؤكم بوم اوستونه دار و نداريمي
طراح ليغيندا هر نه گوجوم وار نشان وئرم
مبهوت ائدم ايشيمده من اؤز اوستا كاريمي
ماني دوروب اليمدن اؤپوب آفرين دييه
صورت چكنلر ائيله يه تحسين چيخاريمي
كؤنلوم سئوير كي منبع ايلهاميم اولان منه
سندن توان آليب يارادام شاهكاريمي
گر اؤلكه ميزده بيلسه له من عاشيقم سنه
اؤلسم ، سنين قاپيندا قازارلار مزاريمي
جنتده خاليقيم دئسه بو حوريلر بو سن
گؤرسم قويوبلار اؤز اليمه ايختياريمي
آلسا خبر گول اوزلولرين هانسين ايستي سن
آغلار گؤزيله من دييه جم اؤز نيگاريمي
بؤلوم : هوشنگ جعفريAZ-TR
یازار : ائشيلداق
