اردبيل ده 1327نجي ايلده بير تعجبلي ايتفاق دوشدو.
سه شنبه 16 خرداد 1391
+0 به یه ن
گؤزه ل
اردبيل ده 1327نجي ايلده بير تعجبلي ايتفاق دوشدو. اوزاق ايلده ، اسكي و سنتي بير فضا دا چوخ آزارق تيراژ دا يئني شعر (شعر نو) كيتابي بير آدسيز شاعيردن چاپ اولدو. سونرا معلوم اولدو كي ، او شاعيرين آدي حبيب ساهر ائيدي.
حبيب ساهر (ه. ش) ۱۲82نجي ايلده تبريز شهرينده آنادان اولدو و 1364نجي ايلده (82 ايل ياشايش دان سونرا) حياتا گوز يومدو.
حبيب ساهير ، بيوك انقلابچي تقي رفعتين، اويره نجيلريندن(شاگيردلريندن) ايدي. او؛ اوز ياشايشنا گوره بئله يازير: اوشاقليق زمانيندا مكتبخانادا تورك ديلينده عاشقانه شعرلري ديريميشن سونرالار او، مباركه محمديه مكتبينه (مدرسه) گئديب و بشينجي صينيفده آد يازديردي.
او، فارس ديلينده غزل و قصيده شعرلرين يازماغا باشلادي . ائيللر بئله كشدي تا او زامان كي، ميرزا تقي خان رفعت تركيه دن قايتدي و اونلارين فارسي و فرانسه ادبيات معلملري اولدو. رفعت تانينميش ، آدلي و فيكيري شاعير ايدي كي، تبريزده، تجدد قزةتين چيخارداردي و اوز شعرلرين اورادا يازاردي . اونون اويره نجي لري اوجا و يئني فيكيريندن ايلهام آليب و انجمن رفعتي تشكيل ويرديلر. او انجمنده اولانلار اونون ديرلي اورنجي لري: محمد خرم ، تقي برزگر ، حبيب ساهير و يحيي ميرزادانش (يحيي آرين پور) كي، ادب، آديندا بير قزه ت چيخارديلار و او قزه تده؛تجدد قزه تيندن تاثير آلاراق يئني شعرلر يازارديلار.اومكتبين اويرنچي لري ناظيم قورخوسوندان هر دم بير غزل وقصيده دئير ميشلر.آمما رفعت بو زووري قبول ائتميب و يئني شعرلري دييراييدي. سونرالاردا آذربايجان محاصره اولوب و شيخ محمد خياباني آذربيجانين آدلي و گوركملي انقلابچي سي ، اودوزوب ، رفعت اوزون اولدورور و يئني ايسته يي اولان قزه تلار باغلانديلار. آمما رفعتين بعضي اويره نجي لريندن او جمله دن حبيب ساهير اونون يولون ادبيات ساحه سينده داوام ائتديلر . ساهير بيرينجي يئني شعرين 21 ياشيندا (ه.ش ) 1303نجي ايلده تبريزده فارس ديلينده (كنار آبدان) آديلا ياراتميشدير.
بير، ايكي ايلدن سونرا استانبولا مسافرت ائديب و فارس ديلينده « درپلاژ» شعرين يازدي. ساهير مكتبلرده معليمچليك ائديردي. ساهير دن نئچه لر شعر ترك و فارس ديلينده قاليبدي و بعضيلري چاپ ائدلميشدير او جمله دن 1 ـ اشعار جديد 1327 آبان اردبيلده 2 ـ اساطير 1327 قزوينده 3 ـ اشعار برگزيده 1327 تهراندا، 4 ـ كتاب شعر ساهير (جلد دوم) 1357، تهراندا
ساهير شعرلرينين چوخي تورك ديلينده و شعرليندن علاوه « ميوه گس» آديندا ناغيل كيتابي يازميشدير.وبلاگين اوخويانلارينا بو شعري ايتحاف ائديره م:
bahman hossinzadeh
گؤزه ل
قارانليق گئجه ده ، توفان قوپاركن،
ايلديريم تك ندن چاخمادين گؤزه ل؟
بورغو دؤنركن آيريليق گؤنو
نه اوچون آرخانا، باخمادين گؤزه ل؟
اوزون گئجه لر، آه سني گؤزله ديم،
سحر قوشلارىيله سني سسله ديم
باخچامدا نسترن گولو بسله ديم
دورو بولاغ اولوب آخمادين گؤزه ل.
بوروندون ايپه يه، بزه ندين گلين
آي كيمي گئجه ني گوندوز ائيله دين
بير تك چيراق ائوده ياخمادين گؤزه ل
دفتريمده سنه ناقيشلار ووردوم
مئشه لر ايچينده آلاچيق قوردوم
ندن باغيمدا ائي قارا گؤزلو «روم»
ساچلارينا بير گول تاخمادين گؤزه ل؟
بؤلوم : حبيب ساهر(اولكر) AZ-TR
یازار : ائشيلداق
