آذربايجان قادين آشيقلاري: آشيق پري(۱۸۴۷-۱۸۱۱)

      آشيق پري 1811 جي ايلده قاراباغين جبراييل بؤلگه سي نين ماراليان كندينده آنادان اولوب. ائييتميني بيتيرديكدن سونرا آشيق شئعري ايله ماراقلانماغا باشلاييب. قيسا زامان ايچينده شان-شؤهرتي هر يانا ياييليب و اؤز دؤورونون آشيقلاري نين ديقتيني اؤزونه چكميشدير. تخمينن 1830 ده شوشايا كؤچوب و عؤمرونون سونونا قدر بورادا ياشاميشدير. 

      فيريدون بئي كؤچرلي  اونون بيليكلي، گؤزل بير خانيم اولدوغونو يازير. آشيق مجليسلرينده بؤيوك حؤرمته صاحيب اولوب. شاعيرلر اونون گؤزلليگيني اؤز شئعيرلرينده وصف ائتميشلر. 

      آشيق پري ميرز حسن بئي ميرزه ، كربلايي عبدوللا جانيزاده ، جعفرقولو خان نوا، محمد بئي آشيق، ميرزه جان مددوف و س. آشيقلارلا و شاعيرلرله دئييشميشدير. بو دئييشمه لرين هاميسيندا اوغور قازانميشدير. 

     اليميزده اساسن قوشمالاري وار. بو قوشمالار ساده و آنلاشيقلي بير ديلله سؤيله نيلميشدير. آشيق پري تخمينن 1847 ايلده شوشا شهرينده وفات ائتميشدير. 

    آشيق پري آذربايجان قادين آشيقلاري نين سيمگه سينه دؤنوشه رك  “آشيق پري مجليسي‌” گلنَگي ايله آنيلير.