سيد ابوالقاسم نباتي كيمدير؟
+0 به یه ن
سيد ابوالقاسم نباتي ۱۹ اينجي عصرين آذربايجان ادبياتي نين گؤركم‌لي سيمالارينداندير. اونون نباتي، خان‌چوباني، مجنون‌شاه و باشقا تخلص لرله يازديغي اثرلر هله اؤز ساغليغيندا الدن اله گزير، ائلدن ائله ياييليردي. شاعرين بير چوخ شعرلري آذربايجان سرحدلريني آشيب، توركيه، اورتا آسيا اؤلكه لرينه‌ده گئديب چاتميشدير.
اونون اصيل تخلصي «نباتي»دير اوبيري‌لر ايسه خلق طرفيندن وئريلن آيامالاردير. بودا اونون ايشي، مسلكي و شيداليغي ايله علاقه‌دار دير.
او گنج‌ليك ايللرينده ائلين چوباني اولموشدور. اونا گوره‌ده ائلده «خان‌چوناني» آياماسيله تانينمش‌دير. او عين زماندا «گوران» صوفي فرقه سينه داخيل اولوب بَرك آياقلي، محكم عقيده‌لي پيرينه مسلكينه صادق، واله، شيدا و سرگشته اولموش و شيدالر كيمي ياشاميشدير، بونا گوره‌ده ائل ايچينده اونا «مجنون» و «مجنون‌شاه» دئميشلر.
نباتينين دوغوم و اؤلوم ايللري دقيق معين‌لشديريل‌ميشدير. تحقيقات‌چيلار اونون ۱۹ اينجي عصرين ايلك ايللرينده دوغولدوغونو قئيد ائديرلر. معلوم حقيقت بودوركي، نباتي جنوبي آذربايجان و قاراداغين «اوش‌تيبين» كندينده آنادان اولموش، بير مدت اهر شهرينده، سونرا موغاندا ياشاميش دير، قوجا ياشلاريندا دوغما يوردو اوش‌تيبينه گاييتميش و اورادا وفات ائتميشدير.
بؤلوم : سيد ابولقاسم متخلص به نباتيAZ-TR
یازار : ائشيلداق
